Fréttir

Skrifstofan verður lokuð frá 4.-12. desember nk.

Vinsamlega athugið að skrifstofa STRÁ ehf., verður lokuð frá 4. - 11. desember nk.

Símaþjónusta og móttaka skilaboða verður áfram þessa daga frá kl.09:00-15:00 virka daga, en skilaboðum verður svarað frá og með 11. des.

Skrifstofan verður lokuð frá 3. - 17. febrúar nk.

Vegna vetrarleyfa verður skrifstofa STRÁ lokuð frá 3. febrúar til 17. febrúar n.k  Þeir sem erindi eiga er velkomið að hringja í síma 588-3031 og leggja inn skilaboð, sem svarað verður frá og með 20. febrúar. 

Við verðum í sumarleyfi frá 11.-18. maí nk............

Skrifstofa STRÁ ehf., verður lokuð frá 11.- 18. maí nk. vegna sumarleyfa, en símaþjónusta og móttaka umsókna til skráningar verður sem áður alla virka daga frá kl.9-15, vinsamlega skilið eftir nauðsynleg skilaboð og þeim verður svarað strax og kostur gefst.  

Skrifstofan verður lokuð föstudag - en opnum mánudag....

Vegna árshátíðarferðar til Dublinar verður skrifstofa STRÁ lokuð föstudaginn 24. apríl.  Skrifstofan verður opin frá og með mánudeginum 27. apríl eins og venjulega.  

Símaþjónusta verður eftir sem áður þennan dag og hægt er að koma skilaboðum til ráðgjafa þennan föstudag sem aðra virka daga.

Vinsamlega athugið ...............

Vinsamlega athugið að breyting hefur orðið á símaviðtalstíma hjá ráðgjafa, sem verður nú alla þriðju- og miðvikudaga milli kl.13-14.  Símaviðtalstími sem áður var mánudaga á sama tíma, færist nú yfir á þriðjudaga.  

Símaviðtalstími vegna auglýstra starfa er alla virka daga milli kl.13-15 meðan á umsóknarferli í viðkomandi störf stendur.

 

 

Nýja árið hefst með annríki, sem er afar jákvæð skilaboð !

Við hefjum nýja árið með annríki og gerum ráð fyrir að það séu góð skilaboð fyrir atvinnuástand hérlendis.  Á vefnum má sjá þrjú ný störf auglýst, tvö á sviði millistjórnunar og eitt sérfræðistarf, auk annarra þeirra starfa sem borist hafa og ekki verða auglýst á vefnum. 

Aukin tæknivæðing fyrirtækisins er jafnframt að skila sér og mun sanna sig enn frekar á nýju ári.  Vegna tímabundins álags bendum við vinsamlega umsækjendum og öðrum hlutaðeigandi á að leggja inn skilaboð hjá símaþjónustu okkar, þ.e. nafn og símanúmer, og munum við hafa samband jafnskjótt og auðið verður. Öllum skilaboðum verður svarað, þökkum jafnframt sýnda þolinmæði.

Netþjónn STRÁ er í uppfærslu

Beðist er velvirðingar á að útvistaður netþjónn STRÁ ehf. hefur verið í uppfærslu hjá þjónustuaðilum í dag og því hefur rafpóstur hingað ekki borist með eðlilegum hætti.  Unnið er að betur um bótum sökum þessa.  Umsækjendum er velkomið að hringja í 588 3031 og leggja inn skilaboð, sem svarað verður strax og auðið er.

Bjartara framundan......!

Í lok júlí þessa árs birtust þrjár tölur um vinnumarkaðinn á Íslandi. Hagstofan og Vinnumálastofnun birtu atvinnuleysistölur og Hagstofan birti einnig launavísitölu júnímánaðar.

Í Hagsjá Landsbankans kemur fam að tölurnar sýna allar að vinnumarkaðurinn er á réttri leið, atvinnuleysi lækkar og laun hækka. Á sama tíma er verðbólgan lág og því hefur kaupmáttur launa aukist.

Atvinnuleysi á mælikvarða Hagstofunnar (úrtakskönnun) var 4,6% í júní samanborið við 7,1% í maí, mikil sveifla er í tölum Hagstofunnar og því betra að skoða lengri tímabil og meðaltöl. Í júní 2013 mældist atvinnuleysið 6,4%, það hefur því lækkað um 1,8 prósentustig milli ára.

Samkvæmt tölum VMST var atvinnuleysið 3,2% í júní og lækkaði um 0,4% frá mánuðinum á undan. Í júní 2013 var atvinnuleysið 3,9% og hefur það því lækkað um 0,7 prósentur milli ára. Sé horft á 12 mánaða meðaltal er atvinnuleysið einni prósentu lægra á þann mælikvarða en það var fyrir ári síðan.

Launavísitalan hækkaði um 0,5% milli mánaða í júní. Launavísitalan hefur því hækkað um 4,1% á þessu ári og um 5,4% frá sama mánuði árið áður.

Verðbólgan hefur verið lág að undanförnu, það veldur því að launahækkanir skila sér frekar í auknum kaupmætti. Kaupmáttur launa hefur aukist um 3,1% á árinu 2014, sem verður að teljast nokkuð mikil hækkun. Kaupmáttur launa er nú á svipuðum stað og hann var undir lok árs 2006.

 

Skv. Visi.is í júlí 2014, birt góðfúslega á vef Starfsráðninga ehf.

Ný heimasíða STRÁ Starfsráðninga ehf.

Ný heimasíða STRÁ Starfsráðninga ehf. hefur litið dagsins ljós.  Markmið þessa er að auðvelda umsækjendum og viðskiptavinum aðgengi að upplýsingum og glöggva sig betur á starfsemi félagsins og þeim störfum sem auglýst eru.  

Jafnframt bendum við á að flest þau störf sem inn á okkar borð koma eru leyst með leit í öflugum gagnabanka félagsins. Þannig spörum við vinnuveitendum tíma, fé og fyrirhöfn auk þess að veita þeim umsækjendum sem eru á skrá betri þjónustu varðandi vinnslu og utanumhald þeirra gagna. 

Við minnum einnig á að símaviðtalstímar hjá ráðgjafa eru alla mánu- og miðvikudaga milli kl.13-14.

Umsækjendur athugið.............

Við auglýsum ekki öll störf á vefi okkar né í fjölmiðlum. Okkar styrkur er öflugur gagnabanka og þar leitum við að umsóknum er passa við þau störf sem okkur berast í samræmi við hæfniskröfur vinnuveitenda. Við vitum að valið á rétta starfsfólkinu er einn mikilvægasti þátturinn í velgengni íslenskra fyrirtækja. Símaviðtalstími hjá ráðgjafa er alla mánu- og miðvikudaga frá kl.13-14, vinsamlega leggið inn skilaboð ef allar línur eru uppteknar. Skilaboðum verður svarað jafnskjótt og kostur gefst. Nýr vefur fyrirtækisins mun brátt líta dagsins ljós.

Vinnumarkaðsrannsókn Hagstofu Íslands

7700 manns voru án atvinnu og í atvinnuleit í febrúar samkvæmt Vinnumarkaðsrannsókn Hagstofu Íslands. 173.700 voru með vinnu en samtals voru 181.400 manns á vinnumarkaði. Atvinnuþátttaka mældist 79,1 prósent, hlutfall starfandi var 75,7 prósent og atvinnuleysi var 4,2 prósent. Samanburður mælinga í febrúar 2013 og nú í ár sýnir að atvinnuþátttaka jókst um 0,3 prósentustig og hlutfall starfandi minnkaði um 0,7 prósentustig. Á sama tíma minnkaði hlutfall atvinnulausra um 0,5 prósentustig. Visir.is 26.03. 2014.

Skrifstofa STRÁ ehf. og almennur afgreiðslutími

Símaþjónusta á skrifstofu STRÁ ehf. er alla virka daga frá kl.9-17, en símaviðtalstími við Guðnýju Harðardóttur er á mánu- og miðvikudögum frá kl.13-14. Samhliða aukinni tæknivæðingu höfum við breytt almennri afgreiðslu á skrifstofu, en fyrirspurnum / upplýsingum verður svarað símleiðis og með rafpósti. Í smíðum er jafnframt ný vefsíða til aukinnar hagræðingar fyrir umsækjendur.

Við tæknivæðumst enn frekar

Við tæknivæðumst enn frekar og breytum opunartíma á skrifstofu í takt við það. Vinsamlega athugið að skrifstofan verður opin alla virka daga frá kl.10-12 frá og með 10. febrúar nk. Símatími vegna auglýstra starfa verður á sama tíma, en rafpósti til stra@stra.is og gudny@stra.is verður svarað á hefðbundnum skrifstofutíma frá kl.9-17 alla virka daga.

Vinsamlega athugið...........!

Vinsamlega athugið að vegna annríkis og fjölda umsókna í auglýst störf, í viku 14, mun staðfesting á móttöku gagna berast einum til tveimur dögum eftir að umsóknir og önnur gögn umsækjenda berast með rafrænum pósti. Umsækjendum er þökkuð sýnd þolinmæði.

Afgreiðsla á skrifstofu STRÁ ehf. er opin alla virka daga frá kl.10-15.

Vinsamlega athugið að afgreiðslutími á skrifstofu STRÁ ehf. er frá kl.10-15 alla virka daga.

LOKAÐ Í DAG VEGNA JÓLALEYFIS !

Skrifstofa STRÁ ehf. er lokuð í dag, föstudaginn 28. desember, vegna jólaleyfis starfsmanna. Opnum aftur strax á fyrsta virkum degi ársins 2013. Óskum viðskiptavinum og umsækjendum farsæls komandi árs og þökkum samskiptin á árinu sem er að líða.

Atvinnulausum fjölgar á Íslandi

Yfirleitt eykst atvinnuleysi í nóvember vegna minnkandi umsvifa á vinnumarkaði þegar kemur fram á haust og vetur. Skráð atvinnuleysi í október 2012 var 5,2%, en að meðaltali voru 8.187 atvinnulausir í október og fjölgaði atvinnulausum um 305 að meðaltali frá september eða um 0,3 prósentustig. Meðalatvinnuleysi tímabilið janúar til október á þessu ári var 5,8%, en 7,5% á sama tímabili 2011. Körlum á atvinnuleysisskrá fjölgaði um 199 að meðaltali og konum um 106. Atvinnulausum fjölgaði um 106 á höfuðborgarsvæðinu en um 199 á landsbyggðinni. Atvinnuleysið var 5,8% á höfuðborgarsvæðinu og fór úr 5,6% í september. Á landsbyggðinni var atvinnuleysið 4,1% og fór úr 3,7% í september. Einungis 1,4% atvinnuleysi á Norðurlandi vestra Mest var atvinnuleysið á Suðurnesjum 8,9% og fór úr 7,8% í september. Minnst var atvinnuleysið á Norðurlandi vestra, 1,4%. Atvinnuleysið var 4,7% meðal karla og fór úr 4,4% í september og 5,8% meðal kvenna og fór úr 5,4% í september. Alls voru 8.592 manns atvinnulausir í lok október. Þeir sem voru atvinnulausir að fullu voru hins vegar 7.711. Fjölgun atvinnulausra í lok októbermánaðar frá lokum september nam 404. Um 267 fleiri karlar voru á skrá í lok október en 137 fleiri konur en í septemberlok. Á landsbyggðinni fjölgaði um 266 en um 138 á höfuðborgarsvæðinu. 1.248 ungmenni atvinnulaus Fjöldi þeirra sem hafa verið atvinnulausir lengur en 6 mánuði samfellt er nú 4.793 og hefur fækkað um 90 frá lokum september og eru um 55,8% þeirra sem eru á atvinnuleysisskrá í október. Fjöldi þeirra sem verið hafa atvinnulausir í meira en eitt ár var 3.222 í októberlok og fækkaði um 48 frá lokum september. Alls voru 1.248 á aldrinum 16‐24 ára atvinnulausir í lok október eða um 14,5% allra atvinnulausra í október. Í lok október 2011 var fjöldi atvinnulausra ungmenna 1.884 og hefur því fækkað um 636 milli ára í þessum aldurshópi. Búist við auknu atvinnuleysi í nóvember Alls voru 1.608 erlendir ríkisborgarar án atvinnu í lok október, þar af 931 Pólverji eða um 58% þeirra útlendinga sem voru á skrá í lok mánaðarins. Flestir atvinnulausra erlendra ríkisborgara voru starfandi í gistingar- og veitingastarfsemi, 230. Yfirleitt eykst atvinnuleysi í nóvember vegna minnkandi umsvifa á vinnumarkaði þegar kemur fram á haust og vetur. Í nóvember 2011 var atvinnuleysi 7,1% en 6,8% í október 2011. Vinnumálastofnun gerir ráð fyrir að atvinnuleysi í nóvember aukist með svipuðum hætti í ár og verði á bilinu 5,2‐5,5%. Mbl. 13. nóvember 2012

Vinnumarkaður í ágúst 2012

Atvinnuleysi 5,8% í ágúst Samkvæmt Vinnumarkaðsrannsókn Hagstofu Íslands voru í ágúst 2012 að jafnaði 178.300 manns á vinnumarkaði. Af þeim voru 168.000 starfandi og 10.300 án vinnu og í atvinnuleit. Atvinnuþátttaka mældist 79,4%, hlutfall starfandi 74,8% og atvinnuleysi var 5,8%. Atvinnuleysi var 0,4 prósentustigum lægra en í ágúst 2011 en þá var atvinnuleysi 6,2%. Atvinnuleysi ágúst 2012 var 5% á meðal karla miðað við 5,7% í ágúst 2011 og meðal kvenna var það 6,7% miðað við 6,8% í ágúst 2011. Atvinnulausir teljast þeir sem voru án atvinnu í viðmiðunarviku könnunarinnar, þ.e. höfðu hvorki atvinnu né voru í vinnu (í eina klukkustund eða lengur) sem launþegi eða sjálfstætt starfandi, eru að leita að vinnu og geta hafið störf innan tveggja vikna eða hafa fengið starf sem hefst innan 3 mánaða. Einstaklingar sem eru ekki í vinnu en eru í námi flokkast atvinnulausir ef þeir uppfylla skilyrðin hér að ofan. Árstíðaleiðrétt atvinnuleysi 6,3% Árstíðaleiðréttur fjöldi atvinnulausra í ágúst 2012 var 11.300 eða 6,3% en var 10.500 eða 5,8% í júlí 2012. Fjöldi starfandi var 166.700 í ágúst 2012 eða 75% en var 170.100 eða 76,3% í júlí 2012. Leitni árstíðaleiðréttingar á atvinnuleysi sýnir að árið 2011 lækkaði atvinnuleysi tiltölulega jafnt eða um eitt prósentustig yfir árið, en nú árið 2012 hefur það nánast staðið í stað. Þegar litið er á leitni hlutfalls starfandi þá jókst hlutfallið um eitt prósentustig frá janúar fram í júlí 2012 en lækkaði um 0,2 prósentustig á milli júlí og ágúst. Framkvæmd Ágúst 2012 nær til fimm vikna, frá 30. júlí til 2. september. Úrtakið í ágúst var 1.499 manns á aldrinum 16–74 ára sem valdir voru af handahófi úr þjóðskrá. Þegar frá eru taldir þeir sem voru látnir eða búsettir erlendis reyndist nettóúrtakið 1.453 einstaklingur. Alls fengust nothæf svör frá 1.199 einstaklingum sem jafngildir 82,5% af endanlegri svörun. Allar tölur hafa verið vegnar eftir kyni og aldri. Vikmörk mánaðarlegra niðurstaðna um atvinnuþátttöku eru ±2,3%, hlutfall starfandi ±2,5% og atvinnuleysi ±1,5%. Allar fjöldatölur eru afrúnnaðar að næsta hundraði. Heimild af vef Hagstofu Íslands, sjá nánar www.hagstofa.is.

Vinnumarkaður í maí 2012

Skráð atvinnuleysi í maí 2012 var 5,6%, en að meðaltali voru 9.826 atvinnulausir í maí og fækkaði atvinnulausum um 1.011 að meðaltali frá apríl eða um 0,9 prósentustig. Körlum á atvinnuleysisskrá fækkaði um 789 að meðaltali og konum um 222. Vinnumálastofnun gerir ráð fyrir að atvinnuleysi í júní minnki milli mánaða í ár líkt og á síðasta ári og verði á bilinu 4,6%-5% Atvinnulausum fækkaði um 595 á höfuðborgarsvæðinu en um 416 á landsbyggðinni. Atvinnuleysið var 6,3% á höfuðborgarsvæðinu og minnkaði úr 7,1% í fyrri mánuði. Á landsbyggðinni var atvinnuleysið 4,5% og minnkaði úr 5,4% í fyrri mánuði. Mest var atvinnuleysið á Suðurnesjum 9,4% og minnkaði úr 11% í fyrri mánuði. Minnst var atvinnuleysið á Vestfjörðum 2% og 2,1% á Norðurlandi vestra. Atvinnuleysið var 5,4% meðal karla og 5,9% meðal kvenna. Alls voru 9.854 manns atvinnulausir í lok maí. Þeir sem voru atvinnulausir að fullu voru hins vegar 8.734. Fækkun atvinnulausra í lok maímánaðar frá lokum apríl nam 1.136 en 844 færri karlar voru á skrá og 292 færri konur en í apríllok. Á landsbyggðinni fækkaði um 527 og um 609 á höfuðborgarsvæðinu. Fjöldi þeirra sem hafa verið atvinnulausir lengur en 6 mánuði samfellt er nú 6.256 og hefur fækkað um 525 frá lokum apríl og eru um 63% þeirra sem eru á atvinnuleysisskrá í maí. Fjöldi þeirra sem verið hafa atvinnulausir í meira en eitt ár var 3.962 í maílok og fækkaði um 367 frá lokum apríl. Alls voru 1.544 á aldrinum 16-24 ára atvinnulausir í lok maí eða um 16% allra atvinnulausra. Í lok apríl voru 1.786 á þessum aldri atvinnulausir og hefur þeim fækkað um 242 milli mánaða. Í lok maí 2011 var fjöldi atvinnulausra ungmenna 2.305 og fækkar því um 761 milli ára í þessum aldurshópi. Mbl.

Vinnumarkaður í apríl 2012 - Atvinnuleysi 7,5%

Samkvæmt Vinnumarkaðsrannsókn Hagstofu Íslands voru í apríl 2012 að jafnaði 179.500 manns á vinnumarkaði. Af þeim voru 166.000 starfandi og 13.500 án vinnu og í atvinnuleit. Atvinnuþátttaka mældist 80%, hlutfall starfandi 74% og atvinnuleysi var 7,5%. Atvinnuleysi minnkar frá því í apríl 2011 en þá mældust atvinnulausir 18.000 eða 9,9% vinnuaflsins. Nokkur breyting var einnig á fjölda starfandi fólks frá því í apríl 2011 en hlutfall starfandi hækkaði um 0,9 prósentustig úr 73,1%. Meðalfjöldi vinnustunda var 36,3 klst. hjá þeim sem voru við vinnu í viðmiðunarvikunni en voru 37,3 klst. í apríl 2011.